LogoSponsorlogoar

Nibberittet Mini
(Sparebanken Møre Reser cup)

Start 9.juni 2018 kl. 10.49
4,0 km - 300 høgdemeter.

Oppdatert 26.mai: Målgang for den eldste klassa (15-16 år) er flytta til Blåfjellet, meir info lenger ned!

Nibberittet Mini er ein del av Sparebanken Møre Reser cup og er eit aktivt ungdomsritt der alle born i alderen 11-16 år kan delta. Start er ved Geirangerfjorden og målgang er på Flydalsjuvet etter 4,0 km og 300 høgdemeter (11-14 år) og ved Blåfjellsbrakka etter 13,8 km og 960 høgdemeter (15-16 år). Rittet inngår i Sparebanken Møre Reser cup som er ei serie med ritt for unge syklistar i Møre og Romsdal. Du treng ikkje å bu i Møre og Romsdal eller å delta i dei andre ritta i cupen for å delta i Nibberittet Mini.

Løypa går på asfaltveg med jamn stigning på ca 1:12 fram til mål etter 4,0 km.

Starten går kl 10.49 for alle aldersklassene. Starten av løypa er avstengt for trafikk under løpet. Merk at rittet går nesten samtidig som Nibbeløpet Mini. Desse har også start og mål same stad som Nibberittet Mini.

Vi har begrensa busskapasitet tilbake til start etter målgang på Flydalsjuvet. Dette betyr at det blir organisert transport for syklar, mens utøvarane må gå. Det er ikkje tillatt å sykle tilbake frå mål for nokon av deltakarane. Send derfor med joggesko til målområdet med bagasjebussen som går like før start. For målgang på Blåfjellet må utøvarane sjølve sørge for transport tilbake. Det er ikkje tillatt å sykle ned att for 15-16 åringane heller.

Sjå startlista i Nibberittet Mini.

Klasseinndeling i Nibberittet Mini
  • 11-12 år j/g med målgang på Flydalsjuvet
  • 13-14 år j/g med målgang på Flydalsjuvet
  • 15-16 år j/g med målgang på Blåfjell
I klassa 11-12 år er det ingen rangering på tid. Yngre eller eldre personar enn desse har ikkje anledning til å delta.

Premiering
Premieutdelinga skjer like ved startområdet kl 13.00.

Medalje til alle som fullfører. Det vil også bli 1., 2. og 3. premie i klassene 13-14 år samt 15-16 år, maksimalt 1/3-dels premiering. Alle deltakarar er med i trekninga av svært attraktive gåvepremiar! Vinnarane av desse vert kåra under premieutdelinga og premien må også hentast der. NB: ingen ettersending av premiar!

Påmelding
Du melder deg på via vårt påmeldingssystem. Du kan også melde deg på i sekretariatet før start, men vi ser helst at du melder deg på via nettsida i forkant.

Startkontingenten er på 50,-. Dei som ikkje har aktiv ungdomslisens gjennom ein sykkelklubb må løyse eingongslisens på 50,-. Det er ikkje nok å vere medlem av eit idrettslag. Eingongslisensen kan betalast inn samtidig som startkontingenten ved påmelding.

Har du spørsmål? Kontakt Eidsdal I.L. v/Merete Rønneberg tlf. 99 37 65 85.

Løyperekord (mål på Flydalsjuvet):
Menn: Oscar Mjelde Mork (ÅOC) på 12:42 i 2015.

Damer: Natalie Midtsveen (Ringerike SK) på 16.43 i 2015

Deltaking:
22 deltakarar i 2016
17 deltakarar i 2015
25 deltakarar i 2013
14 deltakarar i 2012
12 deltakarar i 2011


Tidspunkt:
9.juni 2018 start kl 10.49
Nibberittet Mini startar i Geiranger sentrum og mål er på Flydalsjuvet.


Odin Mathias Mork (nr 1061) og Ola Løfald i Nibberittet5.


Løypekart til Flydalsjuvet frå maps.google.com.

Løypekart til Blåfjellsbrakka frå maps.google.com.


Her ser vi teten til venstre og dei øvrige halsane like bak rett etter start.
Andre sponsorar: